Бизарен изговор: Артета ја обвини топката за поразот на Арсенал од Њукасл

Њукасл го совлада Арсенал како гостин со 2:0 во првиот натпревар од полуфиналето на англискиот Лига куп.

Топџиите имаа многу поголем посед на топката, повеќе удари кон голот, но сепак гостите на крајот славеа и се доближија до финалето.

Микел Артета имаше интересна теорија зошто Арсенал доживеа пораз.

„Многупати шутнавме над голот, а причината за тоа е топката. Огромна е разликата помеѓу онаа со која се игра во Премиер лигата и оваа со која игравме во Купот. Против Њукасл топката многу леташе и беше тешко да се контролира“, изјави Артета.

Реваншот е закажан на 5 февруари, а ќе видиме дали шпанскиот стручен раководител ќе побара да се игра со други топки.