Битка за трофејот во Купот на Македонија: Вардар против Струга!

Вечерва на Арената „Тодор Проески“ ќе се сретнат екипите на Вардар и Струга во битка за трофејот во Купот на Македонија.

Финалето најавува неизвесна битка, бидејќи тешко е да се одреди јасен фаворит. Вардар, најтрофејниот клуб во земјава, одигра извонредна сезоната во Купот, при што на патот до финалето прими само еден гол. „Црвено-црните“ во првата рунда го совладаа Новаци со 2-0, истиот резултат го повторија и против Тиквеш. Следеше минимален триумф од 1-0 над Силекс, а во полуфиналето со убедлива победа од 3-0 против Брера ја завршија работата уште во првиот натпревар, додека реваншот во Скопје заврши без победник – 1-1.

Од другата страна, актуелниот шампион Струга Трим Љум покажа голема напаѓачка моќ. Тимот од западна Македонија тргна фуриозно со убедлива победа од 6-1 против Слога Виница, а потоа ја елиминираше и Македонија ЃП со 2-0. Во четвртфиналето ја мина пречката наречена Гостивар со минимални 1-0, додека најголемиот предизвик беше полуфиналето против Шкендија. Струга славеше со 2-1 во првиот дуел, а во реваншот одигра 1-1, доволно за пласман во големото финале.

Натпреварот се игра во терминот од 20:00 часот.