Бензема доби прашање дали би се вратил во Реал Мадрид, па даде (не)очекуван одговор

Карим Бензема е еден од играчите кои на крајот од својата кариера решија да ја дополнат својата банкарски сметка во Саудиска Арабија, а сега одговори на прашањето дали би се вратил во Реал Мадрид во иднина.

Пред натпреварот против Мајорка, Карим Бензема ги посети играчите на Реал Мадрид во соблекувалната и разговараше со нив. По состанокот, даде интервју за „Марка“ во кое одговори на едно многу интересено прашање.

Новинарите од овој медиум се интересирале дали би се вратил во Реал Мадрид каде што испиша историја.

Францускиот напаѓач даде за едни очекуван, а за други неочекуван одговор.

„Да, секако, зошто да не? Во моментов сум во Џеда, се чувствувам добро, но времето ќе одреди како ќе се одвива животот и сигурен сум дека повторно ќе бидам блиску до Мадрид“, рече Бензема.

Да потсетиме дека Карим Бензема за 14 години поминати во Реал одигра 648 натпревари, постигна 354 голa и додаде 165 асистенции.