Барселона се изнамачи, но ја победи Осасуна – херој беше Рафиња! (Видео)

Фудбалерите на Барселона запишаа уште една победа во шпанската Ла Лига, овојпат против Осасуна со 2:0 на натпревар од 17-то коло на стадионот Ноу Камп.

Каталонците вечерва пред своите навивачи ја одбележаа својата седма последователна победа во домашното првенство, иако до неа дојдоа со доста труд.

Осасуна вечерва на Ноу Камп пружаше сериозен отпор, а попушти само во 70. минута, кога Рафиња постигна прекрасен гол од 20 метри.

Гол на Рафинха

Асистенција на Педри pic.twitter.com/NsM5L1osFK

— MessiMania (@M10Update) December 13, 2025

Тогаш Бразилецот ја затресе мрежата по асистенција на Педри, а истиот играч беше стрелец и на вториот гол на Барселона во 86. минута.

Рафинња се снајде одлично по додавањето на Жул Кунде од десната страна и грешката на одбраната на Осасуна. На Бразилецот му остана полесниот дел од работата.

Со ова, Барселона ја зголеми предноста над Реал на седум бодови и се зацврсти на врвот, иако Реал треба допрва да го одигра својот натпревар од ова коло.

Осасуна моментално е на 16-то место на табелата со 15 бода и јасно е дека ќе остане во борба за опстанок до крај на сезоната.