Барселона по „корпата“ од Вилијамс тргнува по потпис на ѕвезда на Ливерпул

Официјално потврдено е дека Нико Вилијамс останува во Атлетик, па Барселона се сврте кон барање нови решенија за позицијата лево крило. Вилијамс беше голема желба на клубот уште од летниот преоден рок минатата година, се пишуваше дека ќе дојде во Барселона, но тоа не се случи на крајот.

Вилијамс потпиша договор кој трае до 2035 година, а клубот напомена дека откупната клаузула е зголемена “за повеќе од 50 %”. Досега изнесуваше 60 милиони евра, што значи дека 22-годишникот е недостапен за клубовите кои не се подготвени да ја активираат клаузулата од договорот која изнесува најмалку 90 милиони евра.

Сега Барселона повторно се врти кон Луис Дијаз, колумбискиот репрезентативец и фудбалер на англискиот шампион Ливерпул. Неговата вредност според Трансфермаркт е 70 милиони евра, а договорно е врзан за клубот до летото 2027 година.

Дијаз пристигна во Ливерпул од Порто во 2022 година со трансфер вреден 45 милиони евра фиксно, со можни дополнителни 15 милиони евра во бонуси. Тој одигра 149 натпревари за тимот од Енфилд, постигна 41 гол и асистираше за 23. За него е заинтересиран Баерн, но Ливерпул не сака да го продаде.

Фото: Grok AI