Барселона го избра Влаховиќ, но Србинот е на прагот да постигне договор со друг гигант

Шпанскиот гигант Барселона веќе извесно време бара замена за Роберт Левандовски, бидејќи Полјакот ќе остане без договор летово и е подготвен за заминување.

Заминувањето на Роберт Левандовски веќе подолго време е главна тема во разговорите околу клубот од Камп Ноу. Феран Торес сезонава изгледа одлично. Шпанецот сè повеќе игра пред Полјакот, но и понатаму ќе му треба рамноправен партнер. Според последните информации, Барселона се насочува кон Душан Влаховиќ, но…

Потенцијалниот трансфер на Влаховиќ во многу аспекти не ја убедува управата на Камп Ноу. Првенствено, проблем може да биде цената. И додека самиот трансфер би можел да се оствари без отштета, платата е проблем.

Иако договорот на Србинот со Јувентус истекува на 30-ти јуни, неговата плата од 12 милиони евра нето годишно не е нешто што би можеле лесно да го решат Каталонците.

Статистиката на Влаховиќ сезонава исто така не е импресивна. Србинот постигна само шест гола на 17 службени настапи за Јувентус. Освен тоа, напаѓачот се повреди на првенствената средба против Каљари, што значи дека во моментов е вон теренот.

Ниту самиот Влаховиќ не е уверен во трансферот во Барселона. Наводно, Србинот е близу до постигнување договор со Милан. Токму тој италијански клуб во последно време покажа најголема решителност за доведување на напаѓачот.