Импресивно Hansi Fлик ја одработи првата сезона како тренер на Барселона. Ја презеде екипата минатото лето, во големи финансиски проблеми и откако Реал ја освои Ла Лига и Лигата на шампионите и беше фаворит да ги одбрани титулите. Но, девет месеци подоцна Барселона под новиот тренер ги зема сите три шпански трофеи така што во борбите за нив го победуваше најголемиот ривал.
Првото Ел Класико за сезоната се играше октомври минатата година во Мадрид во Ла Лига. Барселона го разби Реал 4:0 на нивниот терен. Следеше најголемото дерби во финалето на Суперкупот на Шпанија кое се играше во Саудиска Арабија. И таму Барселона го разби Реал, 5:2.
Следуваа две пресметки за најважните шпански трофеи. Двете ги освои Барселона по големи драми. Пред три недели во финалето на Купот на кралот го победи Реал 3:2 по продолженија иако тимот на Модриќ водеше до 84-тата минута.
Една недела подоцна водечката Барселона го пречека Реал во првенството со четири бода повеќе од актуелниот шампион. Сепак, се чинеше дека во последните неколку кола ќе има драма бидејќи по само 14 минути Реал во Барселона водеше 2:0. Но, до крајот Барселона направи пресврт на 4:3 и така стана еден чекор поблиску до освојување на првенството на Реал. Ова го потврди синоќа со победата на Еспањол, со која две кола пред крајот на Ла Лига ја освои титулата.
На конференцијата за медиуми по натпреварот новинарите го прашаа Fлик кој му е најомилен момент од триумфалната сезона. Наместо еден, тој одбра четири. Го одговори прашањето покажувајќи четири прсти, со кои мислеше на резултатите од сите Ел Класика. Овој жест стана вирален меѓу навивачите на Барселона и со него на крајот од сезоната ги поздравуваат мадридистите.
Фото: Barcelona FC/X
Учество во игри на среќа е дозволено за лица со 18+ години. Играј одговорно!