Баер е блиску до продолжување на договорот на големата ѕвезда

Раководството на Бајер Леверкузен е навистина блиску до продолжување на договорот на Флоријан Вирц со најмалку една дополнителна година, но новиот договор ќе вклучува ослободувачка клаузула за летото 2026 година, информира популарниот германски новинар Флоријан Плетенберг.

Шефовите на “аспиринотите” очекуваат одговор од плејмејкерот во следните денови, но веруваат дека двете страни ќе успеат да постигнат договор за останување на играчот на „БајАрена“ барем уште една година. Сегашниот договор на играчот е до летото 2027 година.

Германскиот репрезентативец е едно од најобсужуваните имиња во европскиот фудбал во последните две сезони, а се смета дека сериозен интерес за него пројавуваат и Бајерн (Минхен) и Манчестер Сити. При евентуална понуда во претстојното лето, Бајер размислува да побара меѓу 120 и 130 милиони евра плус бонуси за својата ѕвезда.

🚨⚫️🔴 Bayer 04 Leverkusen have everything prepared. Florian #Wirtz has a contract ready for signing until at least 2028, including a release clause for summer 2026.

Leverkusen expect a decision from Wirtz soon. FC Bayern and Manchester City want to sign him as early as this… pic.twitter.com/DrFautRv4a

— Florian Plettenberg (@Plettigoal) March 24, 2025