Aртета: Бев шокиран кога пред 10 месеци дојдов во Арсенал

Mикел Артета призна дека бил шокиран од ситуацијата во која се наоѓал Арсенал кога тој дошол минатата година на местото на Унаи Емери.

Емери го превзема Арсенал откако Арсен Венгер беше менаџер 21 година, но доби отказ после 18 месеци и серијата од седум натпревари без победа. Од тогаш видлива е промена на подобро во играта, но и во резултатите на Арсенал.

„Не можеш да изградиш нешто ново брзо, се гледаше голема неповрзаност помеѓу навивачите и нашиот тим. Кога дојдов на нашиот стадион пред 10 месеци бев шокиран од ситуацијата во која се наоѓавме. Моравме повторно да ја градиме таа врска. За да успееш во тоа мораш да тргнеш од темелите. Цело време мораш да бидеш внимателен бидејќи не сакаш да го срушиш тоа што го градиш“, изјави Артета.

Арсенал оваа сезона ја започна послабо, отколку што ја заврши минатата под водство на Артета. Во овој момент клубот се наоѓа на 11. позиција на табелата, но владее оптимизам.