Австралијанците сега ќе му оддадат голема почит на Ѓоковиќ

Според весникот „Хералд Сан“ од Мелбурн, српскиот тенисер, Новак Ѓоковиќ ќе добие статуа на стадионот на кој се одржува „Австралија Опен“. 

Директорот на првиот гренслем-турнир во сезоната, Крег Тајли најави такво нешто затоа што Ѓоковиќ е рекордер со 10 титули.

Комплексот Мелбурн Парк, веднаш до арената Род Лејвер, има серија статуи на различни великани на играта, главно локални. Поради тоа мислењата се поделени бидејќи многумина сметаат дека статуи треба да добиваат само Австралијанци.