Арсенал планира да ги продолжи договорите на три клучни играчи во составот на Микел Артета. Станува збор за крилото Букајо Сака и дефанзивците Габриел Магалаеш и Вилијам Салиба, пишува “Сан”.
Договорите на сите тројца истекуваат во 2027 година, но тие се сметаат за основни играчи во проектот на “топџиите” и раководството брза да ги обврзе за подолг период, со надеж дека така ќе го одбијат интересот кон нив од други клубови.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Всушност, Арсенал е подготвен и во моментов да започне разговори со наведените играчи. Единствената причина зошто тоа не се случило досега е што клубот сака да не им одвлече внимание пред клучниот судир со Реал Мадрид во Лигата на шампионите.
Според информации од клубот, преговорите со Сака се очекува да бидат само формалност и играчот е подготвен да потпише без многу размислување.
Не така се стојат работите со Габриел и Салиба. Интерес за двајцата имаат и други клубови, кои ги заматуваат нивните глави и тоа може да се одрази на идните преговори. Бразилецот е посакуван од саудискиот Ал-Наср, додека Французинот е забележан од Реал Мадрид.
Учество во игри на среќа е дозволено за лица со 18+ години. Играј одговорно!