Арсенал ја изгуби „војната“: Манчестер јунајтед ангажира два големи таленти

Манчестер Јунајтед два пати го победи Арсенал оваа недела бидејќи успеа да договори ангажман на два големи таленти.

Рубен Аморим даде согласност за двоен трансфер додека се обидува да ги ангажира своите први засилувања како менаџер на Јунајтед.

Претходно оваа недела, Емануел Зиро, 16-годишен талент, го комплетираше својот трансфер во Јунајтед, иако постоеше интерес и од Арсенал и Челси.

„Со нетрпение очекувам да продолжам со мојата кариера во дресот на Манчестер Јунајтед и би сакал да им се заблагодарам на сите кои придонесоа за мојот развој до сега“, кажа тој.

Јунајтед не запре тука и ја доби трката и за уште една млада ѕвезда која игра како лев бек, а тоа е Диего Леон, кој има 19 настапи и два гола во првата лига на Парагвај.