Анчелоти побара специфично засилување, но Перез не сака да му ја исполни желбата

Реал Мадрид има многу проблеми со повредите оваа сезона. Затоа, во јануари се очекува да се засилат, но сега, изгледа, е јасно дека нема да дојде еден играч за кој пред еден месец се пишуваше дека е можен трансфер.

Од почетокот на оваа сезона Реал Мадрид ги следат несреќи со повредите, а особено тоа се однесува на одбранбениот дел на тимот.

Моментално се недостапни Карвахал, Милитао и Алаба, сите тројца поради скинати лигаменти, а првите двајца се надвор од теренот до крајот на сезоната.

Давид Алаба би требало да се врати на почетокот на јануари, но прашање е во каква состојба ќе биде и дали повторно ќе му биде продолжен опоравокот како неколку пати до сега.

Затоа Карло Анчелоти од управата на клубот во јануари бара најмалку еден стопер кој не само што би го засилил тимот, туку и би го пополнил бројното состојание заради ротација.

Играчот кој го предложи Дон Карло во клубот е Ајмерик Лапорт, фудбалер кој од Манчестер Сити замина во Саудиска Арабија.

Последниот збор на стадионот „Сантјаго Бернабеу“ го има Флорентино Перез, а токму тој го одби овој трансфер.

Шпанските медиуми пренесуваат дека претседателот на Реал Мадрид не сака да доведе 30-годишен стопер освен ако не биде слободен играч.