Анчелоти има план: Знае како да игра против ваква Барселона

Реал Мадрид мора да оди на се или ништо и претстојното “Ел Класико” е финалето на сезоната.

Барселона го победи Реал и во финалето на Суперкупот на Шпанија и Купот на кралот, а во Ла Лига води со четири бода, и Реал Мадрид едноставно мора да се бори за победа.

Но, Карло Анчелоти нема да игра офанзивно како досега во сезоната. Поточно, тој сака да му даде шанса на Арда Гулер, кој ќе го замени Родриго, и така на некој начин Реал ќе игра повеќе во формација 4-4-2, што не беше чест случај во сезоната.

Анчелоти има проблеми во одбраната, бидејќи се повредени Ридигер, Алаба, Менди, од порано Милитао и Карвахал, и затоа сака да ја зајакне средната линија.

Ако нема изненадувања, ова ќе биде поставата на Реал:

Kуртоа, Лукас Васкез, Асенсио, Чуамени, Фрањ Гарсија, Себаљос, Валверде, Белингем, Гулер, Винисиус, Ембапе.

Натпреварот Барса – Реал Мадрид е закажан за недела во 16:15 часот.