Карло Анчелоти направи кикс на новиот почеток на 66 години. Во првиот натпревар како селектор на Бразил не успеа да победи. Против Еквадор во квалификациите за СП играше само 0:0. Бразил три кола пред крајот на јужноамериканските квалификации е на четвртото место, со 12 бодови помалку од водечка Аргентина.
Сепак, благодарение на зголемувањето на бројот на учесници на СП, речиси е сигурно дека ќе се пласира, бидејќи од Јужна Америка дури шест од десет репрезентации директно одат на СП, а седмата игра дополнителни квалификации.
Време е за спектакл: Македонија - Белгија! ↓↓↓
Еквадор според сите показатели беше подобар од Бразил, чиј нов селектор после натпреварот прокоментира: „Игравме одлично во одбраната. Требаше да бидеме подобри со топката, играта мора да ни биде потечна, но нерешениот резултат е добар за нас. Условите беа сложени за поинаков стил на игра. Имавме добри шанси во првото полувреме“.
Италијанецот додаде: „Не сакам да барам извини, но не е лесно да се игра на теренот каков што беше денес. Еквадор добро се бранеше и не беше лесно да се најде простор помеѓу линиите. Мислам дека во следниот натпревар против Парагвај ќе биде поинаку, зашто ќе играме на домашен терен со повеќе ритам, подвижност и интензитет“.
Фото: Принтскрин
Учество во игри на среќа е дозволено за лица со 18+ години. Играј одговорно!