Американец му нуди помош на Ѓоковиќ по кризата на стартот на сезоната

Српскиот тенисер Новак Ѓоковиќ е во голема, пред се резултатска криза. Првпат по седум години врза три порази, и многумина веќе го „праќаат во пензија“.

Поранешниот американски тенисер Тенис Сандгрен, познат како голем почитувач на Новак Ѓоковиќ, се огласи преку социјалната мрежа „Х“ и кратко порача:

– Најдобриот во историјата се мачи. Можам да помогнам.

Сандгрен претходно јавно застана во одбрана на Ѓоковиќ кога беше протеран од Австралија, а сега јасно истакна дека е подготвен да биде дел од тимот на најдобриот тенисер во светот.