Во моментов, Чаби Алонсо е едно од најбараните тренерски имиња во европскиот фудбал. Шпанскиот стратег неодамна ја напушти клупата на Реал Мадрид, а неговото заминување отвори многу прашања за тоа каде ќе ја продолжи својата тренерска кариера.
Според информациите кои доаѓаат од Шпанија, одговорот би требало да биде Ливерпул. Наводно помеѓу Алонсо и англискиот гигант веќе е постигнат усмен договор.
Street Workout Macedonia – Движење што гради сила, карактер и издржливост | Уште еден поткаст
Планот на Енфилд е јасен. Алонсо би требало да ја преземе екипата на крајот од актуелната сезона.
Доколку дојде до тоа, шпанскиот стратег би потпишал тригодишен договор со Редс.
Неговото доаѓање би било планирано веќе за летото оваа година. Сепак, во целата приказна постои еден многу важен услов.
Судбината на оваа соработка директно зависи од резултатите кои ќе ги оствари актуелниот тренер Арне Слот.
Имено, во Ливерпул внимателно ќе го следат учинокот на својот тренер во Лигата на шампиони.
Ако Слот успее да го освои најпрестижното европско натпреварување, ситуацијата би можела да се промени комплетно.
Во тој случај, управата на клубот може да одлучи да му даде додатна доверба. Тоа автоматски би значело дека планот за доаѓањето на Алонсо би бил ставен на чекање.
Од друга страна, доколку Ливерпул не дојде до трофејот во Лигата на шампиони, вратите на Енфилд за Алонсо би можеле ширум да се отворат.
Учество во игри на среќа е дозволено за лица со 18+ години. Играј одговорно!