Алкараз воодушевен од сензацијата на Австралија Опен: Треба да бидам загрижен

Шпанскиот тенисер Карлос Алкараз даде низа пофалби за младиот Бразилец Жоао Фонсека.

Фонсека дебитираше на Гренд слемот и во првото коло на Австралија опен го елиминираше Андреј Рубљов со 3-0.

Алкараз, кој го декласираше Јошихито Нишиока, беше прашан дали го гледал мечот на Фонсека против Рубљов.

„Видов малку од натпреварот. Не можев да го гледам целиот меч. Видов малку од почетокот и крајот. Едноставно неверојатно. Начинот на кој го одигра својот прв Гренд слем меч против играч од Топ 10, неверојатно. Начинот на кој пристапил кон мечот, начинот на кој се справува со сè, нервите, генерално мечот, беше фантастично”, рече Алкараз и додаде:

„Тоа е некој за кого треба да се грижам. Ова е само почеток на годината, една Гренд слем победа, но тој ќе биде тука. Ќе го ставиме името Жоао Фонсека на списокот на најдобрите играчи во светот наскоро“.