Алкараз со пофални зборови: Ѓоковиќ не е само најдобриот во историјата, туку е и најпаметниот

Карлос Алкараз забележа 21. победа последователно, но главната тема на неговата конференција за медиумите на Вимблдон не беше тој самиот, туку – Новак Ѓоковиќ.

На прашањето кој е најпаметниот играч во спортот, кој го импресионирал најмногу со знаењето за овој спорт, Шпанецот одговори:

„Верувам дека Ѓоковиќ е најпаметната личност на теренот. Тој е без дилема играчот кој го поседува најдоброто познавање на овој спорт. Со неговото искуство и сето што го доживеал на тенискиот терен, но и по гледање на многу негови натпревари, уверен сум дека тој има најмногу знаење за овој спорт“, вели Алкараз.

Алкараз не крие дека „купува“ лекции од многу постариот и многу поуспешниот колега.

Фото: Принтскрин