Шпанскиот тенисер Карлос Алкараз се пласираше денеска во осмина финалето на Отвореното првенство на Австралија во Мелбурн, откако го победи 33. играч на светот Португалецот Нуно Боргес по четири сета, 6:2, 6:4, 6:7, 6:2, во меч кој траешедва часа и 55 минути.
Тој пет пати му го одзеде сервисот на португалскиот тенисер, кој не направи ниту еден брејк.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Алкараз ќе игра против победникот од дуелот меѓу домашниот играч Александар Вукиќ и Британецот Џек Дрејпер.
Во осмина финале е и германскиот тенисер Александар Зверев, со победа против Британецот Џејкоб Фирнлеј 6:3, 6:4, 6:4, а неговата фуриозна игра, освојувачот на Олимписките игри од Токио пред три и пол години, е совршено предупредување за Новак Ѓоковиќ бидејќи двата аса се наоѓаат во истиот дел од ждрепката.
Неговиот противник ќе биде победникот од дуелот на француските тенисери Артур Фис и Уго Имбер.
Американскиот тенисер Томми Пол се пласира во осмина финале, откако го победи Шпанецот Роберто Карбалјес Баена со 7:6, 6:2, 6:0.
Учество во игри на среќа е дозволено за лица со 18+ години. Играј одговорно!