Алкараз ја насмеа публиката по победата над Синер: “Те гледам почесто од моето семејство”

Карлос Алкараз триумфираше на УС Опен откако го победи најдобриот светски тенисер Јаник Синер со 6:2, 3:6, 6:1, 6:4. Со ова го освои својот шести Гренд Слем и втората титула во Њујорк, првата ја доби во 2022. Ова беше нивниот 15. меѓусебен дуел и десетта победа за Алкараз; во полуфиналето го елиминираше Новак Ѓоковиќ.

Шпанецот го освои својот седми турнир оваа сезона, а ова му е втор освоен Гренд Слем оваа година откако триумфираше и на Ролан Гарос. По победата, покрај пехарот, доби и чек од пет милиони долари и во официјалното интервју упати признание до својот противник.

“Те гледам почесто од моето семејство”

“Неверојатно е сето што го постигнуваш оваа сезона. Секој турнир го играш на врвно ниво. Те гледам почесто од моето семејство, но убаво е да го делиме теренот”, се пошегува Алкараз, а потоа додаде неколку зборови за своето семејство:

“Многу сум среќен што ве имам. Ова навистина е чест. Напорот кој го вложувате за да ми помогнете да станам подобар, не само професионално, туку и лично. Многу сум горд на луѓето околу мене. Ви благодарам многу. Секој успех што сум го постигнал е благодарение на вас.

Ова е исто така ваше. Мојот тим… Многу сум среќен што дел од моето семејство е тука. Мојот брат, чичко, татко, мајка… И моите помлади браќа се исто така дома и ме гледаат. Поддршката што ја добивам од вас е неверојатна. Ви благодарнам многу.”