Карлос Алкарас навистина има причини да ужива на лаврите. Не само што повторно е најдобар на светот, не само што неодамна го освои шестиот грен слем иако има само 22 години, не само што го надмина големиот ривал Јаник Синер во финалето на Ју-Ес опенот, туку и неговата популарност расте со вртоглава брзина. Сите го пофалуваат. Од навивачите до легендите.
Шпанецот од утре до недела го очекува Лејвер купот, предводејќи го Тим Европа, а на клупата на противникот ќе дебитира како селектор Андре Агаси.
Кој ќе победи во Beer Pong - Лига на Шампиони
Токму феноменалниот Американец упати безброј комплименти на првиот рекет на ривалската селекција во Сан Франциско.
– Тенисот сега е во фаза по генерацијата во која беа Новак Ѓоковиќ, Роџер Федерер и Рафаел Надал. Ако ги земете најдобрите од сите тројца, и ги дадете на една личност, тоа е Алкарас – не го крие Агаси своето восхитување од талентот на младиот Шпанец.
Потоа ги набројува сите особини што Алкарас ги поседува кои ги красеа асовите од големата тројка.
– Се брани како Новак, има нежна рака како Роџер, во состојба е да игра во ритамот на Рафа. Но тоа не е сè. Го има и брзината, во напад и во одбрана. Има страст што го мотивира постојано. Буквално има сè што е потребно – нагласува осумкратниот грен слем шампион од Лас Вегас дека Карлитос ги има сите потребни особини за неверојатен шампион.
Учество во игри на среќа е дозволено за лица со 18+ години. Играј одговорно!