Aнглиската легенда „yдри“ по Роналдо: Јас и Рој Кин сигурно не би ги трпеле неговите „сра*а“

Кристијано Роналдо и неговото однесување во Манчестер Јунајтед и понатаму е една од главните теми на англиските медиуми.

Легендата на англискиот фудбал Пол Инс за „Дејли Стар“ го сподели својот став околу целата ситуација и жестоко го критикуваше Португалецот.

„Во наше време, јас и Рој Кин никогаш не би го трпеле однесувањето на Роналдо. Тој мора да си замине. Дефинитивно во нашата соблекувална немаше да се трпат неговите сра*а и немаше лесно да помине“, изјави Инс.

Ерик Тен Хаг го седна Роналдо на клупата во дербито со Ливерпул кое Јунајтед го доби со 2:1 и изгледаше навистина добро на теренот.

„Важно е тоа што Тен Хаг го изостави од почетните 11. Луѓето можеа да видат дека има живот и без него. Да беше Меси на негово место не верувам дека би се однесувал вака“, смета Инс.

Инс дресот на Манчестер Јунајтед го носеше од 1989 до 1995 година, а заедно со Рој Кин одиграа две сезони.