Aлушовски: Ги повикувам сите во оваа тешка ситуација да не поддржат и заедно да се радуваме!

Денес прес-конференција пред натпреварот со Мотор одржаа тренерот Алушовски и капитенот Стојанче Стоилов.

Вардар е во тешка ситуација и тоа на сите им е јасно, па Алушовски повикува на максимална поддршка.

„Не очекува тежок натпревар, ова е прв натпревар во новата година и играме на домашен терен. Верувам дека играчите се свесни во каква ситуација се наоѓа клуб. Ги повикувам сите кои го сакаат ракометот и Вардар да дојдат да дадат поддршка. Мотор сигурно ќе дојде со желба да победи, но ние сме европски шампион и веруваме дека сите заедно можеме да се радуваме на крајот“.

„Ситуацијата е тешка, но овие играчи покажаа карактер во изминатиот период. Како што каже и капитенот ова не е нова ситуација, ситуацијата е подолго време ваква. Ново е што си заминаа двајца играчи. Оптимизмот го гледам во заедништвото и карактерот кој го покажале многу пати до сега“, изјави Алушовски.