Малком се огласи по постигнувањето на голот

Бразилскиот напаѓач Малком на најдобар начин се претстави пред навивачите на Барселона, постигнувајќи гол во пријателскиот натпревар со Бока Јуниорс.

Барса славеше со 3:0, а за младиот Бразилец играњето во ист тим со Меси е осварување на сонот.

„Немам зборови. Тој е најдобар во светот и тоа што бев во стартниот состав со него и што ми намести гол ме прави многу среќен. Убаво е да се види овој стадион со толку навивачи. Ова беше мојот прв натпревар на „Камп Ноу“, семејството ме гледаше од трибините, постигнав гол, остварување на сонот. Без оглед на тоа што беше пријателски натпревар, многу сум задоволен што започнав со гол“, изјави Малком.