ГВАРДИОЛА ВО МИСИЈА: Руши се пред себе, па и самиот себе си

Тој го постави пред неколку години, а сега сака со Манчестер Сити да се надмине себе си.

Гвардиола во сезоната 2013/14 со Баерн имаше 19 последователни победи и тоа е рекорд кога станува збор за победнички серии во најдобрите пет европски лиги. Во моментов, неговиот Сити има 16 победи и ова е добра прилика за Гвардиола да го сруши сопствениот рекорд, а за тоа му се потребни победи во четирите следни натпревари, па да видиме со кого ќе се натпреварува неговиот Сити.

Следи натпревар на домашен терен со Борнмут, па гостување на Њукасл, дуел со Саутемптон на „Етихад“, а ако тука запише победа, по рекордна 20. победа во низа ќе играат против Вотфорд на 2. јануари на свој стадион.

Пеп има отворен пат до нов рекорд, бидејќи рака на срце сите набројани екипи не можат да се справат со квалитетот на Сити и сите тие екипи се од долниот дел на табелата, освен Вотфорд кој сега за сега е на деветото место на табелата.

По 19. победи на Пеп со Баерн следува Роберто Манчини со Интер кој има 17 победи од сезоната 2006/07, додека Барса на Гвардиола имаше 16 победи пред шест години, а Монако на Жардим исто така 16 минатата сезона. Пеп сега е на 16, но како што играат „граѓаните“, тешко дека ќе останат на тоа.