Штетата е околу милион долари: Крадци го ограбија легендарниот аргентински тенисер Хуан Мартин дел Потро

Познатиот аргентински тенисер и голем пријател на Новак Ѓоковиќ, Хуан Мартин дел Потро, беше ограбен во неговиот роден град Тандил.

Крадците од домот на еден од некогаш најдобрите играчи на светот однесоа се што можеа: бројни трофеи, олимписки медали, рекети, дресови, пари, скапоцен накит… Проценува се дека штетата надминува милион долари.

– Полицијата тврди дека крадците го скршиле огромниот прозорец и влегле низ него во празната куќа. Очистиле сите простории, а најдолго се задржале во собата на Дел Потро. Сето што имало вредност, го однеле, не оставиле ниту опремата со која освојувал турнири, ниту олимписките медали. Ја искористиле можноста кога ниту неговата мајка, ниту сестра не биле дома – пишува локалниот Ескја, пренесува Спортклуб.