Годините се само бројка: 58-годишник постигна гол на натпревар во Македонија!

Вистинска спортска приказна за почит доаѓа од Општинската фудбалска лига, каде што 58-годишниот Тони Тонев испиша редок подвиг на фудбалските терени.

Искусниот фудбалер на ФК Горски, кој воедно важи за највозрасен активен играч во лигата, успеа да се запише во листата на стрелци на натпреварот против ФК Локомотива Градско, одигран во рамки на последното коло.

Со овој погодок, Тонев уште еднаш покажа дека љубовта кон фудбалот нема граници и дека годините не се пречка за да се остави трага на теренот. Неговиот настап предизвика воодушевување кај присутните, а голот беше круна на неговата упорност и посветеност кон играта.

Овој момент сигурно ќе остане запаметен како една од најубавите приказни од сезоната во Општинската фудбалска лига, потсетувајќи дека фудбалот е повеќе од резултат – тој е страст што трае цел живот

Фото: Ти Реков Ми Рече/ФБ