Претседателот на ФИФА, Џани Инфантино, соопшти дека побарувачката за билети за Светското првенство достигнала невидено ниво, со регистрирани 500 милиони барања за проширениот турнир со 48 национални селекции, што ќе се одржи во САД, Канада и Мексико.
Улични кучиња: Системски или човечки проблем? | Уште еден поткаст
“Како што сте слушнале, имаше многу дискусии за продажбата на билети за Светското првенство,“ изјави Инфантино на Конгресот на ФИФА во четвртокот и додаде:
“Имавме 500 милиони барања за билети. На двете последни првенства вкупно имавме 50 милиони барања. Овде, оваа бројка е 500 милиони”.
Тој потенцираше дека ФИФА веќе продала огромен дел на билетите кои досега беа пуштени во продажба.
“Ги продадовме 100% од билетите кои ги ставивме на пазарот, што е околу 90% од глобалниот инвентар досега. И секако, постојано пуштаме нови билети во продажба,” изјави тој.
Прашањето за продажбата на билети стана чувствителна тема во подготовките за турнирот, со изразена загриженост околу достапноста на цените и можноста локалните навивачи да присуствуваат на натпреварите.
“Има скапи карти, да, но има и достапни,” додаде Инфантино.
Учество во игри на среќа е дозволено за лица со 18+ години. Играј одговорно!