„Идол ми е Новак Ѓоковиќ, сакам да освојам многу Гренд слемови“: На само 17 години тенисер сонува да биде најдобар во свет

Францускиот малолетен тенисер Моисе Куаме направи вистинска сензација по првото коло на турнирот во Мајами запишувајќи ја првата Мастерс победа во кариерата и испишувајќи историја, а по големата победа ги откри своите долгорочни планови и идолите кои го водат во кариерата.

Овој млад тенисер го елиминираше Закарија Свајд, домашен претставник, и уште од Рафаел Надал и натпреварувањето во Хамбург пред 23 години стана најмладиот тенисер кој оствари победа на Мастерс.

По тоа откри дека Новак Ѓоковиќ му испратил приватна порака, а тој воопшто не знае како да одговори на тоа.

– Мојата цел е да бидам број 1 на светот и да освојам многу Гренд слемови. Заради тоа и тренирам. Сега е тоа сон, но се надевам дека подоцна тоа нема да биде, туку реалност – рече Куаме.

Восхитен беше од игрите на Новак.

– Мојот идол додека растев беше Новак Ѓоковиќ. Секогаш ме восхитуваше, неговиот стил и отпор се нешто неверојатно – рече Куаме пред самиот турнир во Мајами.