Поранешниот фудбалер на Реал Мадрид, Челси, Лил и белгиската репрезентација, Еден Азар, повторно изрази критика кон системот ВАР. Овој некогашен извонреден крилен напаѓач од Белгија не се согласува со воведувањето на видеоанализата во фудбалот, а мислењето го сподели во интервју за телевизиската станица RTBF.
“Фудбалот има своја убавина во тоа што е понекогаш неправеден. Иако е тешко да се прифати таа неправда, без разлика дали сме играчи или навивачи, особено кога се случува против нас. ВАР е убиец на емоциите. Гледав како мојот брат Торган игра против Левен. Еден од играчите даде фантастичен гол, но мораше да чека пет минути за да го прослави. Многу ми беше жал за тоа. Би го отстранил ВАР сосема од фудбалот”, изјави Хазард.
Street Workout Macedonia – Движење што гради сила, карактер и издржливост | Уште еден поткаст
Еден Азар ја заврши својата кариера во летото 2023 година. Последниот тим за кој настапи беше Реал Мадрид, каде што дојде во 2019 година од Челси за 120 милиони евра. На својот врв, Азар беше најдобар играч во Премиер лигата. Со Челси освои две Премиер лиги и две Лига Европа, а со Реал ја освои Лигата на шампионите и двата наслова прваци на Шпанија.
Учество во игри на среќа е дозволено за лица со 18+ години. Играј одговорно!