Хари Кејн ги негираше гласините за преговори со Барселона

Напаѓачот на Баерн Минхен, Хари Кејн, се произнесе за гласините во врска со интересот на Барселона.

Името на Англичанецот често се споменува во контекст на можна преселба на “Камп Ноу” по завршувањето на сезоната. Меѓутоа, тој засега негира такви тврдења.

– Не сум слушнал ништо за тоа. Секако, мојот татко и брат се занимаваат со тие прашања, така што не знам дали тие нешто слушнале. Но, мене ништо не ми кажале. Уживам тука, на теренот, и навистина сум среќен во Баерн. Мојот фокус е на оваа сезона и на Баерн – истакна тој, јасно потенцирајќи дека за сега не размислува за заминување.

Кејн повторно се покажа како клучен играч за Баерн при победата од 3:2 против Ајнтрахт Франкфурт, постигнувајќи двоен погодок, што само ја потврдува неговата импресивна голгетерска форма оваа сезона.