Легенда на Премиер Лигата изненади со признание: Ми открија дека имам агресивен рак, се прошири…

Легендата на Премиер Лигата која ги носеше боите на Њукасл, Вест Хем и Портсмут откри тешка здравствена состојба.

Поранешниот голман на Њукасл, Вест Хем, Портсмут и Далас, Шака Хислоп, денес е далеку од деновите кога стоеше меѓу гредите во борбата за врвот на Премиер Лигата. По завршувањето на неговата играчка кариера, стана ценет фудбалски аналитичар на ESPN.

Како што пренесува Дејли Мејл, 56-годишниот Хислоп откри дека се бори со сериозна дијагноза – рак на простата. Во емотивна објава раскажа дека сè започнало на рутински преглед пред година и пол.

“Имам приказна за раскажување. Пред околу 18 месеци заминав на годишниот систематски преглед и инсистирав на PSA тестот, како што отсекогаш правам.

Овој пат, меѓутоа, мојот ПСА беше зголемен. МРИ и биопсијата брзо покажаа дека имам прилично агресивен рак на простата. Пред година дена, скоро на денешниов ден – поточно на 6 декември – имав радикална простатектомија. И мислев дека е тоа,” кажа Хислоп, откривајќи дека наскоро го дочека нов удар.

“Но потоа, шест месеци подоцна, мојот ПСА повторно почна да се зголемува и уште една снимка покажа дека ракот на простата се проширил на мојата карлична коска. Веднаш потоа започнав со терапија со лекови, а токму утрово завршив седум и пол недели радиотерапија. Патувањето продолжува.”