Манчестер Сити во возбудливо 14-то коло на Премиер лигата го совлада Фулам со резултат 5:4 како гости. Тимот на “Граѓаните” ги постигна головите преку Ерлинг Холанд, Тијани Рејндерс, Фил Фоден (двапати) и автогол на Сандер Берге. За домаќините, точни беа Емил Смит Роу, Алекс Ивоби и Самуел Чуквуезе, кој двапати стрелаше.
Екипата на Пеп Гвардиола веќе по 55 минути имаше убедлива предност од 5:1. Сепак, Фулам успеа да направи вистинска драма на крајот, благодарение на играчите од Нигерија. Прво Алекс Ивоби погоди во 57. минута, а потоа Самуел Чуквуезе, кој влезе од клупата на полувреме, погоди во 72. и 78. минута за да го намали резултатот на 4:5.
Екранизација, задоцнет развој, аутизам, инклузија – што треба да знаат родителите
Следеше неверојатен финиш, каде што Фулам се обиде да израмни, но одбраната на Сити остана стабилна и ги донесе до втората последователна победа во лигата. Хрватскиот дефанзивец Јошко Гвардиол ги одигра сите минутки и во 98. минута успеа да го одбрани голот кој се чинеше како сигурен погодок за Фулам. Можете да го видите потегот на Гвардиол ОВДЕ.
Учество во игри на среќа е дозволено за лица со 18+ години. Играј одговорно!