Легендата од Серија А ја отвори душата: „Откако почина синот, ми се уништи животот засекогаш

Поранешниот фудбалер Диего Фузер, кој за време на својата кариера играше за големи клубови како Торино, Милан, Фиорентина, Лацио, Парма и Рома, отворено говореше за трагичната загуба на својот син, Матео, кој почина во 2015 година на 16-годишна возраст, по долга болест.

Во емотивно интервју за „Газета“, Фузер призна дека загубата на синот трајно го промени неговиот живот.

– Тоа го промени мојот живот, го уништи засекогаш. Тоа е нешто што остава длабоки лузни, тешко е да се објасни. Се обидуваш да го прифатиш, но бараш одговори кои не постојат. Мислам дека нема болка поголема од загубата на дете. Ништо не е исто откако замина. Но, од друга страна, неговиот пример ми дава многу сила, живееме за него секој ден – рече Фузер за трагедијата која го погоди.