Mурињо го крена гласот: Ваков фудбал не ми се допаѓа!

Натпреварот од португалското првенство меѓу Бенфика и Рио Аве заврши 1:1, а тренерот Жозе Мурињо имаше критики по натпреварот. Објасни дека не му се допаѓа одлуката на ВАР во 60. минута кога беше поништен голот на дефанзивецот на Бенфика, Антонио Силва, поради прекршок над противникот.

Бенфика дојде до водство во 86. минута со голот на Судаков, но во 91. минута, Андре Луиз предизвика погоди и го остави Мурињо без победа во првиот домашен натпревар како тренер на лисабонскиот клуб..

“Првото полувреме беше слабо. Второто полувреме, пак, добро и во рамките на нашите капацитети. Бевме доминантни, агресивни, имавме шанси, постојано напаѓавме во противничкото поле. Двајцата играчи кои влегоа донесоа нова енергија на натпреварот.

Постигнавме гол кој, ако е ова новиот фудбал, каде се поништува гол заради мал чекор, не ми се допаѓа, но ако е тоа новото правило, мораме да го прифатиме. По многу обиди и создавање шанси, постигнавме гол. Потоа дојде моментот кога не смееше да примиме гол. Невозможно е тоа да е праведно, но таков е резултатот од натпреварот.

За нас ова е многу лошо, со неубедливо прво, но подобро второ полувреме. Самата игра беше она што го посакуваше Рио Аве и што судијата го дозволи, и тука не можеме многу да направиме. Можеме само да играме 90 минути како што игравме во второто полувреме”, изјави тренерот.

Тој истакна дека на неговиот тим му недостасуваше ширина: “Противникот играше со линии од пет и четири играчи, тешко е да се нападне. Очигледно е дека тим кој така игра не креира многу. Не создадоа ништо, но постигнаа фантастичен гол, секоја чест на тој дечко [Андре Луиз]. Но, тешко е да ги пробиеш.

Ние не сме тим со големо физичко присуство и игра по висина, мораме да бараме други начини за навлегување. Во првиот дел, со Аурнес и Ивановиќ немавме доволно ширина, поради нивните карактеристики. Пробавме со Дедиќ, пробавме со Дахл.

Во вториот дел, со влезот на тие двајца, иако Лукебакио не беше во најдобра форма, а Андреас [Ќелдеруп] се бореше, создадовме многу, баравме повеќе длабина и брзо ја освојувавме топката. Потоа бевме казнети по една транзиција. Обично велам: тим кој води, не прима голови од транзиција. Но, ние примивме и заради тоа изгубивме два бода.”