Прецизно се открија деталите од двегодишниот договор што Жозе Мурињо го потпиша со Бенфика, а во јавноста исплива и клаузула која може да му овозможи на португалскиот стратег да замине од позицијата уште на крајот на оваа сезона. Да напоменеме, 62-годишниот Мурињо беше без ангажман поради отказот што го доби минатиот месец во Фенербахче, а неговото потпишување со Бенфика беше официјализирано во четвртокот попладне, пишува Daily Mail.
Иако Бенфика во соопштението за медиумите сподели дека со Мурињо постигнаа договор за “спортски ангажман кој ќе трае до крајот на спортската сезона 2026./27.”, португалскиот медиум Record открива специфичен детал од него. Во него се содржи излезна клаузула според која “било која страна може да го раскине договорот” во период од 10 дена по завршувањето на актуелната сезона.
Кој ќе победи во Beer Pong - Лига на Шампиони
Доколку соработката не се развива според планот, Бенфика тогаш би платила “значително пониски трошоци” за предвремен раскин. Клаузулата важи и за Мурињо, во случај тој да избере да си замине, би морал да исплати “еквивалентна сума” на клубот.
Инаку, Мурињо има собрано огромно богатство преку раскини на договори. На овој начин, во неговиот џеб се најдоа повеќе од 100 милиони евра.
- Челси (прв отказ) – 20,88 милиони евра
- Реал Мадрид – 19,72 милиони евра
- Челси (втор отказ) – 9,63 милиони евра
- Манчестер Јунајтед – 22,74 милиони евра
- Тотенхем – 17,40 милиони евра
- Рома – 3,48 милиони евра
- Фенербахче – 8,93 милиони евра
- Вкупно – 102,8 милиони евра
Мурињо ја водеше Бенфика во 10 натпревари уште во 2000 година, пред да си замине поради промени во управата. По тоа, неговата кариера доживеа значаен подем. Освои ја Лигата на шампионите со Порто, титули во Премиер лигата со Челси и бројни трофеи со Интер, Реал Мадрид, Манчестер Јунајтед и Рома.
Учество во игри на среќа е дозволено за лица со 18+ години. Играј одговорно!