Фудбалерите на Манчестер јунајтед синоќа ја освоија летната серија на Премиер лигата во Атланта, САД, откако ремизираа со екипата на Евертон со резултат 2:2.
Зошто проблемот со улични кучиња СÈ УШТЕ постои? | Уште еден поткаст
Натпреварот го одбележаа стрелците Бруно Фернандеш и Мејсон Маунт, како и појавата на дебитантот во дресот на „црвените ѓаволи“ Брајан Мбеумо, кој ова лето беше платен 75.000.000 евра.
Тимот на Рубен Аморим можеше да стигне и до третата победа по ред по триумфите над Вест Хем и Борнмут, но ги спречија Илиман Ндиаје и автоголот на Ајден Хивен.
Злоумислените ќе се пошегуваат дека ова е единствениот трофеј кој Јунајтед ќе го освои во блиска иднина, но навивачите на великанот од Олд Трафорд генерално се задоволни од играта на нивните пулени за време на летната турнеја по САД.
Следната сабота, Манчестер клубот ги очекува генерална проба против тимот на Фиорентина, а првиот натпревар од сезоната е закажан за 17 август кога во дербито ќе го пречекаат Арсенал.
Фото: Принтскрин
Учество во игри на среќа е дозволено за лица со 18+ години. Играј одговорно!