МАРК КАСАДО (21), дефанзивен играч за врска на Барселона кој поради повреда беше заменет за време на првенствениот дерби натпревар против Атлетико во кој Барса победи (4:2), нема да игра до крајот на сезоната.
Барселона соопшти дека сериозно ги повредил лигаментите на десното колено. Фабрицио Романо додава дека клубот и стручниот штаб се уверени дека за Касадо завршува сезоната 2024/25.
Од неколку парчиња пелени до успешен бизнис - Приказната за Балон Твистер ↓↓↓
Ова е голем хендикеп за Барселона бидејќи младиот Касадо оваа сезона стана дел од почетниот состав. Тој одигра 36 натпревари на кои постигна еден и асистираше за шест гола. Поради одличните игри за Барселона оваа сезона, Касадо стана и репрезентативец на Шпанија, а сега Барса ќе мора без него во завршницата на сезоната во која се бори за Ла Лига, Купот и Лигата на шампионите.
Касадо е дете на Барселона, кое го има поминато разработниот центар на клубот, Ла Масија. Оваа сезона дефинитивно беше промовиран во првиот тим. Трансфермаркт ја проценува неговата вредност на 30 милиони евра.
Учество во игри на среќа е дозволено за лица со 18+ години. Играј одговорно!