Атлетико никогаш досега не доживеал вакво нешто со Симеоне на клупата

Фудбалерите на Атлетико Мадрид беа поразени од Барселона на „Метрополитано“, со резултат 2:4 во дербито на 28. коло од Ла Лига.

Изгледаше дека Атлетико ќе заврши успешно против Барса кога Александер Сорлот со крајно контроверзен гол ја зголеми предноста на 2:0 во 70-та минута. Меѓутоа, само неколку моменти подоцна, Барселона преку Роберт Левандовски и Феран Торес израмни, а потоа со головите на Ламин Јамал и повторно Торес ја освојуваат тврдината наречена „Метрополитано“.

Така, се случи случај што никогаш не се случил на Чоло Симеоне откако го презеде кормилото на Атлетико. За 17 години колку што е на клупата на „јорганџиите“, Атлетико никогаш не испуштил предност од два гола. Во тој период се одиграни неверојатни 662 натпревари.

Последен пат тоа на Атлетико му се случи на 4-ти ноември 2007 година против Виљареал кога загубија со 3:4.