Синер го откажа настапот во Париз!

Светскиот тенисер број еден Јаник Синер се повлече од Мастерсот во Париз.

Италијанецот нема да се појави во француската престолнина поради вирус а ќе се обиде да се опорави за завршниот Мастерс во Торино.

Синер сигурно ќе ја заврши годината како најдобар тенисер на планетата, а оваа сезона е убедливо неговата најдобра во кариерата. Успеа да освои седум титули меѓу кои Австралија и УС Опен.

Но, исто така беше во центарот на вниманието поради допинг-аферата која се уште не го добила конечниот расплет по испратените жалби.