Фото: „Екип“ со брутална насловна страна ги исмеа Пике и Барселона

Еминентниот француски весник „Екип“ денес со својата насловна страна буквално го шокираше целиот свет.

Имено, францускиот весник направи алузија на моменталните случувања во Каталонија и трансферот на Нејмар кој ова лето ја напушти Барселона и се пресели во Париз.

Трансферот на Нејмар беше главна тема цело лето, а во еден момент Жерар Пике објави слика со Бразилецот и напиша: „Se Queda“ или во превод „Останува“, па крена голема прашина и ги налути луѓето во ПСЖ.

„Екип“ ја искористи таа слика и моменталните случувања во Каталонија па на насловната страна претстави како шпански полицаец со сила и пендрек во рацете го држи Пике, а горе пишува „Se Queda“.

За време на референдумот во Каталонија шпанската полиција употреби прекумерна сила врз демонстрантите па имаше околу 900 повредени луѓе.