Рутински победи за Баерн и Интер🎥

Баерн Минхен и Интер запишаа рутински, но многу важни победи против Галатсарај односно Салцбург во Лигата на шампиони.

Баварците први дојдоа до водство против Галатасрај и тоа уште во 6-та минута со голот на Коман.

Во 30-та минута судијата досуди пенал за Галатсарај, а Икарди атрактивно со „паненка“ го совлада голманот на Баерн.

Во второто полувреме квалитетот на гостите дојде до израз. Најпрво Хари Кејн во 73-та минута погоди за 1:2, а Мусијала ги постави конечните 1:3.

Интер потешко од очекуваното дојде до победа над Салцбург во Милано со 2:1. Во првиот дел „нероаѕурите“ поведоа со голот на Санчез после една одлична акција.

Во вториот дел Салцбург израмни преку Глок во 57-та минута и имаше уште неколку добри шанси. Меѓутоа, после стартот над Фратези судијата покажа на белата точка, а сигурен реализатор беше Чалханоглу за победа од 2:1.