Милан сака уште еден играч на Челзи

Милан е силно заинтересиран за младиот напаѓач на Челзи, Армандо Броја, пренесуваат италијанските медиуми.

„Росонерите“ имаат одлична соработка со Челзи и ова лето ги доведоа Лофтус Чик и Пулишиќ, а сега сакаат уште еден фудбалер на „сините“.

Пиоли бара уште еден робусен напаѓач како алтернатива за Жиру, а прв на листата желби е токму Броја.

21-годишниот напаѓач минатата сезона запиша неколку настапи за Челзи, а потоа имаше поврда која го оддалечи од терените неколку месеци.

Милан сака да го доведе на едногодишна позајмица со право на откуп следното лето.