Продолжува „војната“ помеѓу АЕК и Динамо надвор од теренот и улиците по инцидентот во понеделникот во кој животот го загуби 29-годишен навивач на грчкиот клуб.
АЕК претходно побара исфрлање на Динамо од Европа, а сега стигна одговор и од хрватскиот гигант. Динамо го осуди таквото барање тврдејќи дека АЕК сака да профитира на сметка на загинатиот навивач.
Диск голф го освојува светот, а го нема во Македонија!? ↓↓↓
„ГНК Динамо во повеќе наврати јасно, недвосмислено, јавно и жестоко ги осуди нередите кои, за жал, резултираа со смртен случај. Насилството нема место во цивилизираното општество и ние секогаш ќе се бориме за вистинските вредности, што ги промовира нашиот клуб и искрено сакаме да веруваме дека нашиот ривал АЕК споделува слични ставови. Жал ни е што АЕК бега од одговорност со своите изјави и однесување, крева тензии и употребува несоодветен, агресивен и провоцирачки речник во официјалните соопштенија со цел притисок врз УЕФА.
Посебно е несфатливо што без никакво двоумење се обидува да искористи човечка трагедија за сопствена промоција и резултатот покажува отсуство на елементарна пристојност, емпатија и почит кон жртвата. Ваквиот пристап го сметаме за несоодветен, особено затоа што на сите, освен на претставниците на АЕК, им е јасно дека ГНК Динамо направи се што е во негова моќ да не дојде до оваа ситуација. За сите настани во Грција, најголема одговорност сносат организаторите, односно грчката полиција и АЕК како клуб домаќин“, стои во помеѓу другото во соопштението од клубот од Загреб.
Комплетното соопштение можете да го прочитате на клупската веб-страница – TУКА
Учество во игри на среќа е дозволено за лица со 18+ години. Играј одговорно!