Јувентус најде замена за Дибала

Јувентус веќе ја започна потрагата по наследник на Дибала, на кого договорот му истекува на крајот на сезоната.

Аргентинецот ќе замине на крајот на сезоната како слободен агент. Прво име на списокот на „бјанконерите“ за негова замена е ѕвездата на Сасуоло и италијански репрезентативец Џакомо Распадори.

Распадори важи за еден од најголемите италијански таленти и игра уште една одлична сезона, па Јувентус сака што е можно побрзо да ја победи конкуренцијата.

„Старата дама“ има одлични односи со Сасуоло и се очекува наскоро да започне преговори, а трансферот би требало да чини околу 30 милиони евра.

Распадори за „Газета дело Спорт“ го потврди интересот и истакна дека е отворен за преселба во Јувентус.