Голден стејт и Стеф Кари одат на одмор, Мемфис е во плеј-офот

Мемфис е последниот патник во плеј-офот откако по продолжение го совлада Голден стејт со 117:112. 

Голден стејт беше сериозен фаворит против Мемфис, Стеф Кари имаше уште една одлична партија, но мисијата за влез во плеј-офот беше неуспешна. 

Мемфис водеше во најголемиот дел од натпреварот, во втората четвртина дојдоа и до највисоки 17 поени разлика, но во финишот Голден стејт успеа да изедначи на 99:99 и да го однесе натпреварот во продолженија.

Сепак во нив Мемфис беше подобар и на крајот славеше со 117:112. Стеф Кари беше најдобар на теренот со 39 поени, Вигинс имаше одлична партија со 22 поени и 10 скокови, кај Мемфис Морант реализираше 35 поени. Мемфис во плеј-офот ќе игра против Јута.