Бакси драматично останаа во живот, Лејкерси изедначија ?

Милвоки Бакс и понатаму се во игра за пласман во финалето на Истокот откако после голема драма го победија Мајами Хит со 118:115 и намалија на 3:1.

Во текот на регуларниот дел тимовите го менуваа водството, а победникот се одлучи после продолжение кое Бакси го добија со 11:8.

Екипата со најдобар скор во текот на регуларниот дел до победата беше предводена од Крис Миделтон со 36 поени, а додаде шест скокови и асистенции. Проблем претставува и повредата на Јанис Антетокумпо кој го повреди зглобот во втората четвртина, до тогаш имаше учинок од 19 поени.

Кај Хит се издбои Бем Адебајо со 26 поени, 12 скокови и 8 асистенции, добар беше и Данкан Робинсон со 26 поени.

Ла Лејкерси изедначија во полуфиналето на Западот откако го победија Хјустон со резултат 117:109 и сега резултатот во серијата е 1:1.

Лејкерси првиот период го добија со 16 разлика (36:20), екипата од Тексас во продолжение постепено се враќаше и во третиот период успеа да поведе со 86:89, но Леброн и друштвото беа подобри кога резултатот се кршеше.

На крајот натпреварот Џејмс го заврши со 28 поени и 11 скокови, а за трипл-дабл му недостасуваше една асистенција. Одличен беше и Ентони Дејвис. Кај Рокетси сосема очекувано со 27 поени најефикасен беше Харден.