Артур со изјавата на претставувањето испрати провокација до Меси

Артур Мело денес беше официјално претставен во Јувентус каде што ова лето пристигна од Барселона.

Јувентус и Барселона на крајот на сезоната направија размена на играчи во која Пјаниќ се пресели во Каталонија, а Артур во Торино. Бразилецот не се раздели баш најдобро од Барселона, но со оглед дека не играл долго едвај чека да ја започне епизодата во Торино.

Тренинзите со Јувентус ги започна претходно, а денес беше официјално претставен. Интересно е што го избра бројот пет кој во изминатите сезони го носеше Пјаниќ.

На претставувањето Артур испрати и мала провокација до Меси со изјавата дека играњето со Роналдо ќе му биде исполнување на сонот.

„Ова е важен ден за мене. Благодарен сум на семејството, менаџерите, Партичи и на сите кои ми посакаа добредојде. Имам привлегија да играм со големи играчи и за мене е исполнувањето на сонот што ќе играм со Роналдо. Јувентус лесно ме убеди да дојдам, среќен сум што сум тука“, порача Артур.