Во 2017 не им бил доволно добар, а сега за него би платиле и 100 милиони евра

Барселона е во потрага по замена за Луис Суарез, потребен им е напаѓач од светска класа кој во следните сезони ќе го наследи Уругвацот.

Според она што се пишува во медиумите, прва мета на Барселона е Аргентинецот Лаутаро Мартинез кој под водство на Антонио Конте игра одлично.

Мартинез во овој момент има 13 голови и три асистенции на 21 натпревар за миланскиот гигант, а покрај одличните бројки добро изгледа и на теренот.

Разигран, брз и вешт пред противничкиот гол и затоа во Барса наводно се спремни да платат и 100 милиони евра.

Ако дојде до таков трансфер Барса на тој начин би ја поправила грешката од пред две години кога нивниот тогашен директор Пеп Сегура одбил да го доведе Мартинез кој во тоа време играл за аргентински Расинг.

Аргентинците барале 25 милиони евра, но Сегура им одговорил дека Мартинез не е калибар за Барселона. Лаутаро таа сезона на 27 натпревари постигнал 18 гола и веќе бил мета на повеќе европски клубови, меѓутоа од некоја причина Сегура не верувал во него.